演戲演上癮！JW想拍《痞子殿下2》：聽聞會開拍

歌手JW（王灝兒）今日（6日）到電台為新歌《FF》宣傳，她説：「啱啱拍埋MV，因為我鍾意做戲，所以今次MV我畀自己有多啲角色，有神婆、特務同恐怖小丑，好好玩。」她表示今次亦是她首次參與作曲，很高興見到作曲一欄出現她的名字。

另外，她又笑言自己演戲演上癮，對其有份參演的無綫劇《痞子殿下》跨平台直播收視最高達22.8點，成為三線劇收視之冠，她顯得非常高興：「因為我哋真係拍得好辛苦，就係希望大家鍾意，我近排出街啲人會叫我『小妹』，好開心！（會開拍等2輯？）聽聞公司會開拍，其實拍緊（第1集）嗰陣已經話想拍第2輯。（繼續同朱敏瀚發展感情線？）冇所謂呀，同周嘉洛又得，同陳瀅都得，總之係我哋4個就得。」

談到有消息指內地有關當局要求外文名字的藝人改回原名一事，她説：「都唔擔心，我平時都係用JW王灝兒介紹自己。（網民幫你改名喎？）係呀佢哋好有創意，有『丁山』、『萬豪』，最有創意係用JW諧音嘅『積德報怨』。」