王寶強笑騎騎︱傳宋喆放監　馬蓉斥1,500萬急移民

內地男星王寶強於2016年8月14日突然發出離婚聲明，直指太太馬蓉同自己嘅經理人宋喆有婚外情，即時停止同宋喆嘅合作關係後，宋喆更喺2017年9月因涉嫌職務侵佔罪而被判刑6年。近日有指宋喆獄中表現良好，比預期早出獄，又有網友自稱8月底致電給朝陽派出所後透露，宋喆被放唛之後，已經返到農村老家種田餵豬，明顯經理人事業冇得翻身。

最終一次都冇去探監嘅馬蓉，獲得王寶強一半家產後搖身成貴婦，近期有網友稱馬蓉緊急砸下1,500萬人民幣（約1,690萬港幣）投資移民，計畫去澳洲重新開始，知情人更稱初步資料已經審核通過，近日將交畀州政府。未知係咪得知「仇人」將各散東西，網友就留意到王寶強近日心情靚靚，笑騎騎咁晒出自己食飯盒嘅片，又係咁為自己新節目做宣傳，新生活仲閞心過以前。