韓庚盧靖姍宣布囡囡出世　 晒一家三口溫馨照：你好我們的寶貝！

韓團Super Junior前成員韓庚與「戰狼女」盧靖姍（Celina Jade）於2019年拉埋天窗，今年5月兩公婆齊齊喺社交網宣布做人成功。而喺今日（9日）韓庚就喺社交網宣布女兒出世，更晒出一家三口溫馨合照，盧靖姍喺貼文寫到：「你好，我們的寶貝。」相中見盧靖姍親吻韓庚面豬登，而韓庚則笑得好燦爛，仲好深情咁望住囡囡，非常甜蜜。唔少粉絲得知消息後，都紛紛送上祝福，表示好戥佢哋開心呀！