離巢無綫︱唐詩詠肚兜泳衣騷玉背：現在學習放下包袱

「視后」唐詩詠本月將正式離巢無綫，全心全意做舞台劇，除咗擔演外仲會兼任編劇，道出自己嘅童年故事，解開多年嚟同母親嘅心結！尋日（10日）係中秋節，佢喺社交網晒出去海邊游水嘅相，以肚兜泳衣上陣嘅佢，大晒白滑玉背，仲要回眸一笑，冧暈一眾網民，佢留言：「從前害怕曬太陽，顧慮的事情太多，現在學習放下包袱，擁抱一切，好的壞的，都享受其中！」睇嚟佢一切都諗通晒啦，心情好唔錯呀，而網民就祝佢中秋節快樂：「等緊你同我切月餅！」