李思捷「四大天王」輪流上身：周秀娜你今次仲唔贏？

由李思捷主持及監製的《思家大戰》最新一集中，「九唔搭八」隊對戰鍾志光（鍾仔）率領的「足球吹水團」隊。

先是「講波金句王」鍾仔應思捷要求，即興以講波Tone介紹隊友，生動之餘仲大玩押韻，聽得思捷作五體投地狀大嗌：「犀利！」之後思捷大晒馳名必殺技，「四大天王」輪流上身大講：「周秀娜你今次仲唔贏？！」，還原電影《勁抽福祿壽》經典場口，獲全場一致掌聲。

而在填充題「李思捷你收＿啦」中，鍾仔「唐三藏」上身大講萬字文前言，講到尾其實答案只是「收經」兩個字，難怪自封「吹水團」，其他嘉賓則攞正牌狂寸思捷「收皮」、「收聲」及「收山」，搞到思捷無力謂：「我好想繼續Keep住做呢份工架。」