方媛變身「西域公主」　貴氣十足傾國傾「城」

疫情令唔少人都久未能出關旅遊，天王郭富城（城城）老婆方媛都唔例外，呢日佢就着上杜拜嘅民族服飾，回味當日同城城蜜遊杜拜慶祝結婚一周年嘅甜蜜時光，同時過足旅行癮。見佢戴上黑金色頭巾，並以影片濾鏡特效後期加上金鏈吊飾，貴氣十足，網民即大讚佢雍容華貴，指佢似埃及艷后，又似印度西施，不過佢就笑言自己係「西域公主」，網友即和應指其美貌的確傾國傾「城」！