曹格離婚風波後返家鄉開騷　忽然收火唔寸網民

馬來西亞歌手曹格，被指與結婚14年嘅太太吳速玲已經正式分居，上周曹格突然晒出昔日與老婆嘅甜蜜合照，但同時佢又留言大鬧「關你屁事啊」、「所有叫我去死的人希望你永遠記得。」等情緒性字眼，令人擔心佢心理狀態。雖然負面新聞多多，但有「金曲歌王」之稱嘅佢今日（13日）宣布好消息，將於11月12日喺馬來西亞雲頂舉辦《Crazy for LIVE》演唱會，又會首度公開演唱全新粵語專輯《我為歌狂》中嘅作品。有見佢早前言論惹火，今次佢開騷即被網民寸爆留言：「有沒有表演發酒瘋？」曹格本人一改火爆性格，罕有大方回應：「買票就知道。」似乎係為新個唱收火。