鍾嘉欣全家總動員出動拍寫真　大女似足餅印愈大愈省鏡

藝人鍾嘉欣現正懷有第三胎，早前佢就大晒大肚寫真，香車配美人型格登場，但原來呢次佢唔單止影咗好多單人靚相，仲全家總動員，「一家五口」出動影全家福！鍾嘉欣呢日喺社交網甫出家庭靚相，見佢哋全部齊齊戴上黑超，非常架勢，老公Jeremy同囝囝Jared一同全藍父子裝上陣，至於大女Kelly就留有一頭微曲長髮，愈大愈靚女，昔日脹卜卜嘅面珠收晒水，眼大大面尖尖，似足迷你嘉欣一樣，盡得媽媽真傳！嘉欣又用動物Emoji代表一家人嘅生肖，有豬、鼠、猴、狗，以及即將加入大家庭屬虎嘅細女，又指：「四年內變成一家五口，等於愛。」