鄭伊健銀幕大挑戰　單挑9女零隔膜

由鄭伊健、周家怡率領一眾新晉演員包括李靖筠、陳海寧等主演英皇電影《深宵閃避球》海報及多款角色海報相繼登場，電影大走清新日本漫畫風格！鄭伊健繼電影《黃金兄弟》後，相隔數年再接演風格大不同的《深》片，片中飾演熱血教練「劉Sir」的伊健笑言自己卻是毫無章法：「其實呢個劉Sir一開始都係抱住打份工心態，不過收得人工都想交到啲成績向上司交代，所以就不經不覺投入咗呢隊球隊。劉Sir嘅特訓就係由零開始，其實佢係同班女仔一齊學習，有時仲係人云亦云咁去訓練，用自己嘅經驗同觀察力，拎出自己熱愛做運動嘅心態去幫呢8個女仔。」

對於參與《深宵閃避球》，伊健在片中單挑8位新晉演員進行連環特訓，更要帶領球隊參賽，眾多群戲卻急促培養到彼此默契，伊健透露劇組上下都是零隔膜：「我拍呢部戲好開心，呢部電影有嚟自唔同年代嘅台前幕後，包括監製羅志良、我、家怡、導演應智贇、閃避球隊8位女生，甚至幕後班底，大家混埋一齊係唔容易嘅事，其實係成功嘅。大家戲裡戲外都好團結好認真去做，今次感受到成班人好齊心去做。」

戲中8位新晉演員原來早已是伊健的粉絲，今次有機會合作電影與偶像零距離接觸，認識伊健後更發掘他的另一面，李靖筠大讚：「伊健係一個極度冇包袱嘅人，好鍾意佢」；陳海寧則笑言：「佢真係一個完美嘅男人」。早前，女主角家怡趁拍攝途中有一段休息期間，相約8個女生躲在片場一角排舞， 趁伊健和導演溝通劇本時，眾人突襲伊健眼前，邊唱邊跳動態版《友情歲月》，令伊健相當驚喜，笑不攏嘴！可見幕前眾人打成一片，打閃避球打出團隊精神！