兩星期後復出　Jer第2次凌晨開Live獻唱訴心聲

人氣男團MIRROR因今年7月紅館演唱會上發生墮屏意外，即緊急停工2個月，預計10月即將復出，當中有多位成員積極更新社交網同粉絲分享生活，其中成員柳應廷（Jer）曾凌晨開直播唱歌，今日（17日）凌晨1時許，佢再次開Live獻唱，以歌聲分享心情。

Jer晒出一盞燈同一個幅相，昏暗燈光下Jer先播出歌曲《離別的規矩》純音樂，之後佢翻唱歌手林家謙作品《記得》，最後唱出陳奕迅《致明日的舞》告終，全長10分50秒。直播結束後，Jer將片段上載並留言「Good night city.」似係分享即將復出嘅複雜心情。