陳凱琳骨骼精奇　「直角肩」堅起角令網民震驚

前港姐冠軍陳凱琳（Grace）同老公鄭嘉穎結婚之後，減少幕前演出，成功轉型做「KOL天后」，不時喺社交網同大家分享生活點滴，佢尋日（17日）就大晒同閨密慶生嘅相同片，見到佢哋成班好姊妹整嘢食之外，仲一齊跳舞，玩得好盡興！

但係網民就將焦點放咗喺Grace嘅直角肩，所謂嘅直角肩即係肩膀冇贅肉、條頸同肩膀完美呈現90度，令人睇起嚟更加性感同纖瘦，呈現出骨感美！不過可能佢太瘦關係，其中1張相中睇佢嘅直角肩竟然真係起咗角，睇落有啲奇怪，令到網民都驚訝佢果然係骨骼精奇，仲有網民擔心佢太瘦，嗌佢快啲食多啲嘢增肥啦！