接力家姐超雲宣布「喜訊」！何超蓮「領證照」竟撞樣阿嬌

賭王三房千金何超雲早前獲男友求婚成功，估唔到呢日細妹何超蓮就接力，有「喜訊」公布，不過就唔係同男友竇驍好事近，而係成功考獲內地車牌！佢喺社交網晒出手持駕照證件嘅自拍照，興奮表示：「順利考到內地駕照！」網民紛紛送上祝福，而向來自稱係其「前男友」嘅好友G.E.M.都有留言約兜風：「車上你的前男友，哈哈哈，她也有駕照。」不過一眾網民卻將重點放喺其自拍照上，事關笑到瞇瞇眼嘅超蓮，再度撞樣好姊妹鍾欣潼（阿嬌），唔少人都話認錯，以為係阿嬌發文。