謝婷婷40歲生日慶祝飯局食唔停　愛女搶Fo變C位地位超然

藝人謝霆鋒胞妹謝婷婷近年於加國專心湊女，一直對愛女重重保護嘅佢，日前一時錯手公開女兒廬山真面目，揭露囡囡正宗「黃皮膚」，粉碎生父係外籍人士之謎。雖然愛女長相曾一度曝光，不過謝婷婷呢日PO出新嘅近照，就一如以往繼續用卡通圖案幫囡囡遮樣，見本月（9月）7日40歲生日嘅婷婷慶生飯局食唔停，而且每次囡囡都跟到實，十足糖黐豆一樣密不可分，就連切蛋糕影合照時，囡囡都企正C位，地位超然，果係有女萬事足！