何超蓮晒「領證照」報喜　網友竟然錯重點

賭王三房千金何超蓮同男友竇驍拍拖多年，屢傳好事近，佢呢日突然喺社交網公布「喜訊」，更大方晒出「領證照」，獲網友紛紛送上祝福。不過今次嘅「喜訊」並唔係佢同竇驍結婚，而係超蓮成功考獲內地車牌，但有網友就錯重點，話佢呢張手持駕照證件嘅自拍照撞樣鍾欣潼（阿嬌），即刻去片睇吓有幾似樣！

唔知大家有冇追睇無綫劇《黯夜守護者》呢？藝人江嘉敏喺劇入面飾演性格反叛嘅「盧小寶」，並同謝東閔有感情線，劇情至今都尚算甜蜜，但嘉敏受訪嗰陣透露「小寶」下場可以用慘嚟形容，仲呻拍劇捱打好似變成指定動作，即睇《今日娛糧》聽吓佢點講！