最強繼母！楊卓娜親自下廚賀繼女生日　禮物多籮籮排場十足

有「最強繼母」嘅藝人楊卓娜，除為商人楊志翹誕下女兒楊舒然外，亦對男方與前妻所生的兩名女兒視如己出，一家五口感情甚好。近日繼女生日返屋企食生日飯，楊卓娜不但親自下廚，足足炮製5道拿手小菜，更準備生日蛋糕、生日卡，仲有高級品牌禮物同利是，錫到阿女燶，佢留言表示：「『阿愛』回家吃生日飯，煮佢鍾意食嘅嘢，麻辣干鍋、葱蒜雞、青瓜海蜇，祝婷婷家姐青春美麗，身體健康，心想事成，人見人愛，車見車載。生日快樂 HappyBirthday！」而阿女亦笑到見牙唔見眼，非常滿意。