「遮遮」又出招！張敬軒陷三文治「騙局」食包食到驚

歌手張敬軒係出名嘅「早餐界KOL」，但隨住「遮遮」廚藝進步，創意早餐已買少見少，不過近日「遮遮」終於再出招，大放笑彈！事緣今朝張敬軒趕住出門，原本「遮遮」告知準備咗三文治，令佢滿心歡喜，點知當佢打開嗰份所謂嘅「三文治」，發現兩塊麵包中間夾住嘅依然係麵包，認真「包全部都係包」，仲要烘底烘到硬晒，簡直敲得出聲，搞到軒公勁無奈，笑指：「心諗sandwich應該prettysafe喇吓哇，去到現場... 完！三文治有聲，我嘅生活唔係包就係醬，有烘底唔加你錢你仲想點。」