墮屏意外逾55日︱So Ching皮包骨近照曝光

2022年09月22日 08:24
東網電視
更多新聞短片
舞蹈員李啟言(阿Mo)於7月組合MIRROR紅館騷上遇上墮屏意外,身受重創,入院至今情況終由嚴重轉為穩定,現時轉至神經外科病房,維生指數穩定。自佢出事後,其女友、COLLAR成員So Ching及阿Mo雙親日夜到醫院陪伴阿Mo,網友更對So Ching嘅不離不棄被感謝。事件發生逾55日,Mo父李盛林牧師早前出席一個與舞蹈員嘅見面會,當日So Ching亦有跟隨李牧師一同出席。
李牧師當日在現場大家交代Mo近況,又聽吓大家講述演唱會發生嘅所有事情,同時亦有同大家互相擁抱給予支持與鼓勵。多位有份參與當日表演嘅舞蹈員上載照片,見到一直收埋唔見人嘅So Ching,與在場人士抱抱互送祝福,全黑打扮嘅So Ching,被好友形容為「瘦至皮包骨,疲態盡現」、「看着她神情低落只感到哽咽難言」,又指Mo父交代情況及整個災難詳細經過時,現場眾人都感到悲痛,亦有人不忍落淚。
而尋晚(21日)陸續有舞蹈員上載眾人合照,當中So Ching亦有轉發,更無奈留言:「原來只係過咗55日!」其無助及失落感確實令人心痛。