黃美棋錄《獎門人》自爆帶漏底褲

20220922
東網電視
更多新聞短片
由曾志偉主持的無綫節目《嘩鬼無敵獎門人》昨晚(21日)進行錄影,一眾嘉賓梁思浩、鄭衍峰、黃美棋及阮嘉敏等齊以萬聖節打扮現身,以配合節目主題。阮嘉敏以「流血護士Look」現身,受訪時她打趣:「本來想扮性感護士嘅,不過節目係合家歡時段播嘅放,我驚太性感以後入唔到閘呀。」黃美棋則以《101斑點狗》中奸角庫伊拉造型登場,她表示原本想扮日本動漫《鬼滅之刃》的禰豆子,不過以往麥美恩扮過,所以才打消念頭。
談到最難忘的萬聖節,黃美棋笑言:「喺美國讀書嘅時候,同成班同學上過鬼船玩,入到去真係好驚,嗰啲演員拎住把真嘅電鋸追住大家,像真度真係好高,起初真係嚇到喊!」阮嘉敏就表示自己天生膽小,但同學就經常迫她一齊去鬼屋:「每次去我都尖叫,嚇走晒啲演員!」
二人都表示今次乃首次上《獎門人》節目,阮嘉敏笑言能夠出席,恍如完成人生重要的一項成就,黃美棋突爆:「我帶漏咗底褲替換,等間有個遊戲會濕身,好彩附近有便利店,玩完去買紙底褲替換。」相當搞笑。