視后福利！林夏薇Bra Top操肌　火辣Body大放送

藝人林夏薇雖然已經貴為視后，但對自己依然要求甚高，幾時都要操到最弗，保持最佳狀態示人。本身已擁有弗爆Body嘅佢，繼續精益求精密密操，昨晚（21日）更突然大晒兩張着住Bra Top短褲做Gym嘅靚相，勁晒結實腹肌，兼Deep V騷線頭，深夜派福利，即時睇到一班網民嘩嘩聲，大讚惹火，但佢似乎對自己身材仲未滿意，表示：「馬甲線快啲同我出嚟，我已經好努力。」好友陳山聰就「食字」笑問：「灰甲清要唔要？我獎門人贏咗一箱」，林夏薇就回覆：「笑死我！」相當幽默。