余思霆泳池解放三點式過出海癮　太耐冇游水竟差啲遇溺

前華姐冠軍余思霆近年主力於台灣拍攝節目，日前終於宣布留台生活暫告一段落，正式全面回歸香港，喺台灣瘋狂出海晒水着嘅佢，返到嚟香港冇得隨時隨地出海都有啲唔慣，所以呢日佢就出動去到泳池游水頂住癮，佢喺社交網大晒火辣泳照，並留言：「Almost forgot I know how to swim！霆霆別忘了你會游泳！」仲笑言因為太耐冇游水，搞到差啲遇溺。不過重點係佢三點式上陣坐喺梯級，雙手撐起向前傾玩「倒奶」，加埋高抄角度，33C咪咪傾巢而出，夠晒震撼。