老公衰偷食!Emily Ratajkowski拍片乘機寸不忠男Adam Levine

2022年09月22日 15:01
東網電視
更多新聞短片
美國搖滾天團Maroon 5主音Adam Levine連日來被3名女子指控背妻連環偷食,而老公Sebastian Bear-McClard同樣衰偷食的美國女模Emily Ratajkowski日前「有感而發」身份拍片乘機寸爆Adam!
Adam被網紅Sumner Stroh拍片爆與她偷食後,有大批網民鬧Adam是「賤男」之外,更有好多網民鬧爆「小三」Sumner明知對方有老婆仍然向他投懷送抱。而Emily亦拍片為「小三」護航:「我唔明白點解我哋繼續去就男人嘅錯誤而責怪女人,尤其係講緊係20幾歲女人面對同一個年齡比佢哋大兩倍嘅男人打交道時。權力動態可以如此扭曲,實在太荒謬。呢個係掠奪性同操縱性。」似是暗寸Adam。
之後她亦說:「如果你正處於一段關係當中,你係有義務要忠誠。我認為依家我哋嘅文化中一個大問題就係我哋只係講:『哦,男人係怪物,佢哋好可怕。』然後我哋唔追究佢哋嘅責任,反而責怪其他女人。我唔明白點解我哋繼續將男性嘅錯誤歸咎於女性,我哋要求女性調整自己嘅行為,而唔係僅僅去講男性需要改變自己嘅行為。呢個係性別歧視。呢個係經典嘅仇女症!」