甜蜜的味道︱張穎穎晒新電話　激罕認愛汪小菲

台灣藝人徐熙媛（大S）前夫汪小菲同女友張穎穎嘅關係，由最初澄清大鬧「惡意造謠，故意詆毀」，到依家公開拖手四處走，似乎依家兩個人都愈愛愈深不能自拔，早兩日張穎穎深夜開Live喪喊時，更加獲疑似汪小菲嘅白衫男子鏡頭前攬攬安慰。估唔到佢依家直頭唔再怕被人指指點點，喺20日玩分享開箱直播最新型號手機時，就話自己一次買咗2部，網友就好奇問佢：「另外一個手機是給汪（小菲）的？」佢竟然罕有承認：「你真聰明」並附上一個尷尬笑臉符號，曖昧回應被解讀為係間接認愛。