囡囡承襲舞王DNA　郭富城扮王子陪跳

天王郭富城（城城）以麥當勞環保大使身份，出席「齊齊減塑 麥麥行多步」揭幕，聯同Pinkfong Baby Shark搆手推出全新開心樂園圖書提倡環保教育「他透露外出時，一對女兒也有自攜餐具，自己亦有環保杯飲咖啡，平日也有教育女兒環保，但僅3歲半的細女尚未了解。

談到該卡通人物人氣高，其歌曲亦變成洗腦歌，城城笑指兩知女兒早已被「洗腦」：「佢哋鍾意自由發揮，所以啲舞步都會自己創作，有時跳跳吓我都會加入嘅！（有冇教你嘅招牌跳舞動作？）佢哋兩個都識嘅！（夜晚會同啲女講故事？）會，佢哋鍾意公主故事，咁我梗係扮王子角色啦！」

談到近日被拍到於中環跳街舞，城城表示當晚拍攝廣告：「個廣告拍咗2日，全程跳舞，唔使唱歌同講嘢，只需要身體語言表達，但排舞時差啲整傷隻腳嘅舊患，不過都好耐冇喺街咁樣跳舞。」更指下月底將到內地拍攝新片，今次將拍元宇宙愛情故事，內裏主力談情，但應沒有有親熱戲：「其實我都冇包袱，主要睇劇本（唔捨得啲女？）依家有視像就ok，希望農曆年前返到香港。」