陳喬恩網購成癮「有家歸不得」 老公迫Del App

2022年09月22日 20:02
東網電視
更多新聞短片
台灣女星陳喬恩最近新聞多多,早前就有傳佢同W姓鮮肉男星「瞓過」,搞到佢勁嬲,好在佢位馬來西亞富二代老公曾偉昌(Alan)一啲都唔信緋聞,二人恩愛更勝從前,又一齊去陳喬恩已故內地男星喬任梁墓園拜祭,做跟得老公。最近佢重返內地市場,時隔1年多,佢今日(22日)返到上海屋企時,點估到一出電梯就發現屋企門口堆滿包裹,仲差點搞到入唔到屋!佢呢個包裹海原來係因為佢成日手多多網購,旅行冇嘢做就買買買,最後搞到依家「有家歸不得」,一開𨋢門嘅誇張景況真係睇到網友眼都凸。
陳喬恩家門堆到寸步難行,老公Alan都抱怨問有冇搞錯,最後好唔容易清出一條路順利入屋,陳喬恩先坦言「還有一半還沒有寄來內」,最後佢就自爆被老公威脅要卸載購物App,佢哋粉絲都力撐老公做得好。