最強吃貨！林允拍劇食唔停口　網民驚嘆食極唔肥

「星女郎」林允早前憑古裝劇《夢華錄》人氣急升，最近佢再獲該劇導演賞識，參演對方執導新劇《不完美受害人》，更有幸與影后周迅合作，令人期待。近日已經入組拍攝嘅佢，不時喺社交網拍片分享工作近況，卻意外自揭「吃貨」真面目，事關片中見佢食極唔停，埋位前食、深夜對劇本時食、拍完一日戲又食，就連跟劇組去到拍攝場地時，最關心嘅都係附近有大量大排檔，佢更毫不介意公開食相，見佢食串燒時完全不顧儀態，食得津津有味，果然係專業吃貨。網民反指佢食極都唔肥，真係得天獨厚。