胡彥斌被網紅Follow引封殺？對方疑曾與李易峰約炮

內地藝人李易峰涉嫖娼在北京被行政拘留，其後佢被爆出私生活唔檢點，最爆係有指佢曾經同網紅「灣灣」胡灣去泰國展開約炮之旅，之後接連有關注灣灣社交網或者被灣灣關注嘅男藝人都被網友「虎視眈眈」拉上「特殊關係」，謠言滿天，估唔到真係有男星「出事」！當中被灣灣關注嘅內地實力唱將胡彥斌，就被發現佢現身由王心凌帶領鍾欣潼（阿嬌）、蔡卓妍（阿Sa）、吳謹言及黃小蕾拍攝嘅旅行真人騷《星星的約定》時，竟慘被Blur走，即被聯想到佢同李易峰、灣灣醜聞有關，仲有人擔心佢會就此被封殺！

不過有網友仔細睇清楚佢被打格嘅截圖，就發現原來佢並唔係真係「被消失」，而係有人故意惡搞，皆因有心大整蠱嘅網友竟然連電視台Logo都Blur埋，而翻查官網節目就會發現入面仲喺度胡彥斌，加上其他男星好似汪東城、鄭愷等通通「留低」，睇嚟係有心人故意製造網絡混亂，搞大龍鳳致男星間人心惶惶。