生日相收埋兩個月終見光　方媛罕有奇峰「凸」出

天王郭富城（城城）太太方媛7月慶祝35歲生日，獲老公送99支紅玫瑰賀壽，見佢晒相主力放閃，點估到原來佢當日係性感上陣，收收埋埋啲靚相兩個月，佢依家終於都肯同網友開心Share！身為兩個小朋友媽咪嘅方媛少女氣質依舊，見佢着上低胸晚裝靚到似公主，佢仲還罕見晒性感，一招美胸撞牆Pose令佢奇峰「凸」出，上圍嘅圓弧曲線更係睇到網友眼都合唔埋，加上靚樣，難怪大家都咁羨慕城城，帶老婆出街真係夠晒威！