活動指定死亡Barbie粉 張藝興驚變MK竟輸李榮浩

2022年09月23日 15:02
東網電視
更多新聞短片
尋日(22日)群星雲集河北省秦皇島出席品牌活動,多位紅星好包括張藝興、韓星Jessica、李榮浩、關曉彤等都有現身,不過今次活動就有指定Dress code,全場人着晒被稱為「死亡Barbie粉」嘅螢光粉紅色打扮,雖然夠晒Sharp,不過就好蝦人着。最出事嘅都莫過於係人氣歌手張藝興,佢以Deep V西裝外套襯一頭金髮,MK味濃到衝出Mon,加上佢見人時下意識用手輕輕撐開西裝,去展示佢結實胸肌,真係睇到網友眼火爆!但估唔到成日畀人笑佢眼細細嘅李榮浩,反而同一身螢光粉紅打扮都幾襯,普通大Tee襯長褲都已經夠煞食。
至於女仔方面就順眼好多,關曉彤大晒超長腿,9頭身比例仲索過Model,遇上奇怪顏色打扮都仲Control到,而Jessica更加性感上陣,腰間多個Cut out位大晒白滑肌膚,加上佢以長裙打扮避開同關曉彤對撼,大家各有睇頭,認真識玩。