林淑敏重現《賭神》菊子搖骰獲讚 許家傑感羨慕

2022年09月23日 16:02
東網電視
更多新聞短片
藝人林淑敏與許家傑今日(23日)為《愛‧回家之開心速遞》宣傳,提到早前播出一集中林淑敏重現電影《賭神》菊子搖骰的經典一幕,被網民激讚,她表示開心可以在劇中嘗試扮演不同角色,並自爆:「嚟緊我會扮《我和殭屍有個約會》入面嘅馬小玲,但我已經係『老小玲』。(係咪會騷長腿?)我條腿唔夠長,惟有條裙短啲,營造錯誤視覺效果。我本來想着埋厚底鞋,但畀人話點着都唔似。」她指劇中會有少量打鬥場面,並由歐瑞偉充當武指。而許家傑就羨慕對方可以扮演經典角色,他稱最希望可以扮演《六舊腹肌拯救隊》騷腹肌。