聲夢傳奇2︱彭家賢同黃洛妍上演最強對決

20220923
東網電視
更多新聞短片
無綫選秀節目《聲夢傳奇2》將於下月初舉行決賽,而十強之戰近日競爭激烈,最新一集有人氣榜排名第2位的女團XiX演繹《NOBODY》,排名第8位的趙頌宜(Maggie)獻唱《精神分裂》、排名第3位的趙小婷(Pamela)獻唱《電燈膽》、第五位的黃洛妍(Janees)演繹《溝渠暢泳》及排第10位的彭家賢(Zayden)獻唱《阿士匹靈》。
當中焦點落在「最強鬥最強」對決,Zayden雖然自節目開播以後一直表現低調,但其實是實力不俗,於過往每一場對戰均獲得勝利,就連「聲夢大魔王」之一的Janees也曾是其手下敗將,如今昔日對手舞台上再度鬥過,可謂非常吸引,而以狂野露眼Look上陣的Janees,未開聲已先贏氣勢,不過Zayden一身打扮也毫不輸蝕,加上道具藥箱的「加持」及唱到瞓地台風,令全場觀眾睇得投入。
Zayden與Janees演繹歌曲時剖白自己經歷,前者本身擁有豐富街頭Busking經驗,惟曾於其他電視台的首輪比賽中出局,令其信心盡失:「嗰時覺得自己點都去到咁上下先畀人Foul,點知第一輪就畀人Foul咗,嗰次之後有諗過放棄。」更指現時靠儲蓄過活。Janees則在參賽歌曲中投射了自身真實痛愛經歷,自爆曾痛愛渣男:「佢係第一次帶我嚟長洲嘅人,一個我好喜歡嘅人。佢用盡方法傷害我,包括背叛同精神上嘅暴力,仲會用好多方法令我覺得佢咁對我係我問題。我明知自己會唔開心,都要衝埋去,但我嗰時都仲係好陶醉。」