痛失千萬片酬！奇洛李維斯爆拒拍《生死時速2》原因

荷里活男星奇洛李維斯（Keanu Reeves）90年代憑火爆動作片《生死時速》（Speed）而成功上位，由於影片大受歡迎，不久電影公司宣布開拍《生》續集（Speed 2: Cruise Control），雖然電影公司開價1,100萬美元（約8,624萬港元）片酬邀請奇洛再度演出飾演勇探，但卻被他婉拒。絕對係賺錢腥！

奇洛曾解釋拒拍《生2》的原因，他說：「我讀完劇本之後心諗：『哎呀，呢套係講郵輪。喂，郵輪仲慢過架巴士。』根本上講唔通，我好愛佢哋（幕前幕後），但我真係唔想做。」最終男主角改由名氣不及奇洛的積遜柏德烈（Jason Patric）擔任，影片上映後票房及口碑都與上集相距甚遠，亦未能成功帶紅男主角積遜。

雖然珊迪娜布洛（Sandra Bullock）仍有參演《生2》，不過她事後亦表明後悔接拍該片。她說：「呢套戲我但願冇拍過，我相信冇人會欣賞呢套戲。我仍然因為有份拍而感到尷尬。」而她與奇洛的睇法一致：「根本冇道理。緩慢嘅船駛向一個島嶼。」