古天樂舊愛黃𨥈瑩近照曝光 凍齡美貌驚艷網民

2022年09月24日 17:01
東網電視
更多新聞短片
藝人陳曼娜昨日(23日)喺社交網分享同《餐餐有宋家》演員去聚會嘅靚相。相中見宣萱、盧宛茵、黃𨥈瑩、張鳳妮、梁葆貞、尹揚明、鄧兆尊等人都有出席,不過就未見劇中男主角古天樂現身。而一眾演員笑得非常燦爛,睇得出大家食得非常開心。陳曼娜更喺貼文寫到:「昔日《餐餐有宋家》28年後如今難得再聚一家!大家談笑風生,唔記得返家!謝謝兆尊哥宴大家。」而古天樂舊愛黃𨥈瑩就成為相中焦點,已淡出娛樂圈嘅佢,仍不時與圈中好友聚會,唔少網民都大讚佢Keep得好好,凍齡美貌唔輸畀以前選美嗰陣!