無懼緋聞升級　林穎彤孖「老闆」晒溫馨

「無綫小花」林穎彤（Bella）半年前被爆獲「星級設計師」何偉立（Tim）暗戀11年之久，Tim更以欣賞之意，以6位數字酬勞邀請Bella為其設計公司拍攝宣傳片助其聲勢，緋聞一事不徑而走。然而，近日該宣傳片於網上曝光，片中Bella與Tim無懼把緋聞擺上枱，更攜手夾擊老友兼代言人林盛斌（Bob）。

於宣傳片甫開始，Tim細心為Bella整理頭髮，Bob見狀即衝出來，並以Tim有另一半為由阻止對方「卿卿我我」，Bella聞言即表示：「你唔係以為我哋有嘢嗎？係人都知我哋Friend到爆啦！」Tim亦幫拖說：「唔好以為你係金牌媒人就成日想撮合人啦!」令慘被揶揄的Bob相當無癮，及後Tim才翻兜欲邀他為代言人，但由於雙方分屬老友，故欲以「搭膊頭」了事，不打算給予酬勞，搞笑非常!

而Bella接受東網訪問時，對於片中與Tim把緋聞擺上枱表示不擔心，更說二人份屬好友：「記得拍攝當日，Bob喺度令到個氣氛好搞笑，就算天氣係幾咁熱，但成隊Crew都好專業，仲要係超級快完成。」