袁偉豪突變「二撇雞」滲佬味　竟與同名影星撞晒樣

藝人袁偉豪（Ben）早前為無綫藝訓班擔任導師，同一班年輕學員打成一片，日前佢又喺社交網透露將同「聲夢」歌手張馳豪、冼靖峰及黃奕斌合作錄歌，仲自嘲「鮮肉加滷肉」，近得後生仔多成個Young晒！不過呢日佢晒出老婆張寶兒操刀嘅新相，留言笑指：「唔準偷影！老婆視角。」相中就見佢換咗新Look，戴上眼鏡兼留有「二撇雞」，樣子兇狠似笑非笑、似嬲非嬲，望落竟與同樣叫「Ben Yuen」嘅袁富華似到十足，2人撞名加撞樣，而且仲曾喺舞台劇《今晚打老虎》合作過，認真有緣！