鄭衍峰擔大旗主持問答節目　邀前輩陳百祥擔任嘉賓

藝人鄭衍峰不時在社交平台晒出吃喝玩樂照，早前更出海騷肌，似乎相當寫意，不過原來私底下工作卻十分忙碌。他透露：「近排主持多個綜藝節目，嚟緊同張秀文嘅《答得快 好世界》將會推出，加上有份參與嘅劇集《你好，我的大夫》之前仲未煞科，我每日瞓得兩、三粒鐘咋。」

談到《答》節目向無綫多個經典問答節目如《溫故知新》及《運財智叻星》等致敬，並邀來多個經典主持包括汪明荃、鄭裕玲及陳百祥等擔任嘉賓，鄭衍峰笑說：「同咁多前輩同場，會好珍惜學嘢嘅機會。（有冇畀人鬧？）冇，不過佢哋鬧我嘅話都係反應之一，好驚佢哋對我完全冇反應，即係漠視我啦，哈哈！」身為90後的他坦言對不少經典問答節目都會感陌生，故錄影前都會做足功課，以免失禮街坊。