陳瀅拉劉佩玥陳曉華出海為愛犬慶生　網民勁羨慕：好想做隻狗

藝人陳瀅備受無綫力捧，早前佢被指成為監製搶手貨，但為參加巴黎時裝周，不惜推掉「女一」新劇，盡顯「一姐」風範！趁未出發前，呢日佢相約《美麗戰場》嘅好姊妹劉佩玥及陳曉華，齊齊去沙灘玩水，同時為愛犬Kumo慶祝1歲生日，陳瀅喺社交網大晒多張出海靚相，見3位靚女一同濕身，不過大家都好密實，最多都係露下膊頭，遮實心口冇睇頭，反而陳瀅背面仲搶鏡，佢抱住Kumo時側身露出半邊蜜桃臀，夠晒養眼，唔少網民都話好羨慕Kumo有3美相伴，直呼：「好想做隻狗」！