黃曉明現身幼稚園接囝囝放學　見老師即點頭鞠躬勁有禮貌

內地男星黃曉明與Angelababy離婚後，雖然兒子小海綿主力由Baby照顧，但黃曉明一有時間就會抽空陪伴兒子，而Baby未有阻止佢哋兩父子見面，反而鼓勵2人多相處，被外間視為離婚夫妻嘅典範。近日黃曉明再被拍得現身幼稚園接囝囝放學，見佢耐心企喺路邊等候，打扮樸素，當見到老師時仲立即微微點頭鞠躬打招呼，親民冇架子，而囝囝一步出校園，曉明亦將佢抱入懷內，場面溫馨。