林家謙飛米蘭出戰國際時裝周　孖那英影大合照

歌手林家謙（Terence）8月完成一連7場演唱會後，日前衝出香港，飛往米蘭出席國際時裝品牌活動，唔少國際巨星都有出席，如內地歌手那英、荷里活女星安妮夏菲維（Anne Hathaway)、韓國女星李聖經、台灣歌手周興哲等。而Terence當日就着上黃色羽絨，相當有型又突出，仲成功同那英合照，之後佢喺社交網貼出唔少靚相，寫到：「時裝倒流70年，Thanks for having me ！」而網民就紛紛留言話：「好叻仔」、「恭喜你衝出香港」、「成粒燒賣咁好可愛」。