陳煒出嫁婚紗連首飾達7位數 醫生老公承諾照顧一生一世

20220926
東網電視
更多新聞短片
藝人陳煒今日(26日)下午與陳國強醫生已正式簽字成為夫婦,晚上於尖沙咀半島酒店Garden suite設宴,邀請一眾好友歡度兩人的大喜日子。
已榮升陳太的陳煒,身穿低胸婚紗和老公手拖手現身酒店門外接受傳媒祝福,更應傳媒要求隔住透明口罩作親吻狀,一對新人大騷婚戒,甜蜜滿瀉,陳煒的碎鑽結婚戒逾5萬元。
陳煒表示註冊時由家姐擔任證婚人,沒有感動落淚,因戴了口罩亦沒有咀嘴,而婚宴以自助餐形式舉行,宴請50位親朋戚友,新郎哥笑言唱歌難聽,所以不會大展歌喉 ,但會發布愛的宣言,只是晚宴前要保密,陳煒則和應:「依家講咗冇驚喜。」不過新郎哥亦忍不住說:「會承諾照顧佢一生一世。」陳煒則撒嬌說:「我照顧你多啲喎。」又踢爆老公為婚宴辛苦減肥,新郎哥直認減了3kg。
她又說婚宴會換3套衫,其中一套是婚紗,至於沒安排接新娘及玩新郎環節,陳煒說:「因為啲朋友錫我,所以錫埋佢。」她又說昨晚和家人食飯,今晚搞喜宴,明天便開工,新郎表示想去有陽光與海灘的地方度蜜月。
圈中一眾好友陳山聰、朱晨麗、樂易玲、曾勵珍、姜皓文、馬浚偉、黃智賢、黃浩然夫婦、譚俊彥夫婦、馬海倫、江美儀、陳法蓉、李漫芬等都有去飲。陳山聰表示因為場地有限,所以未有帶同太太及囝囝到場,又指新郎,新娘都熟:「陳醫生係幫我屋企人打針嘅。」江美儀就話送4位數現金做人情最實際,而黃浩然笑言和陳煒講心不講金,不過今晚兩樣都送。江美儀大讚新郎是有擔當的男人,兩人好恩愛,不過有疑問:「佢哋兩個都咁靜,唔知邊個講嘢。黃浩然即說:「所以咪約埋我哋食飯囉,嘈啲嘛。」
朱晨麗和姜皓文單拖到場,朱朱說預備了大利是,但婉拒透露銀碼:「心意啦,滿意嘅數字,佢哋乜都有,等佢哋鍾意買乜就買乜。」問可心急恨嫁?她又謂隨緣,戥新人開心,可要求陳醫生介紹醫生朋友?她笑言:「都好,我都需要睇醫生嘅。」
今次「陳陳聯婚」的婚禮場地布置,採用繡球裝飾襯搭綠葉玫瑰的花藝設計,由拱門、迎賓區、再慢行至宴會廳,每處都放有這夢幻色調元素的花藝設計,一步一步引領各位全情投入煒哥與陳醫生的浪漫時刻!
今次煒哥穿着的婚紗,是由其好友何國鉦設計。會見傳媒的那套婚紗,裙身釘上數千粒水晶,因為滿布水晶,所以分量十分,再配襯一條珍珠頸鏈,再用加上以鑽石鑲嵌成花形的珠珠耳環,整套婚紗加上首飾大約花費7位數字!
此外,一對準新人為到場賓客預備了獨一無二的紀念品,現場將設置嶄新互動體驗 Perfume Bar,即時因應各位的個人喜好調配出一份心儀的香氣回禮。另外主人家亦為晚宴的所有來賓精心準備了一份神秘禮物,每人都會有一個刻有嘉賓名字的香檳金絲絨盒,而裏面即裝滿着新人的心意,當中有相架、香水、金屬戒指碟、糖果、朱古力、曲奇餅等等,實在非常窩心。