台慶亮燈︱陳瀅唔敢耍大牌　方力申確診康復後蒲頭

藝人陳瀅與方力申今日（26日）代表演出的台慶劇《美麗戰場》出席無綫55周年亮燈儀式。受無綫力棒的陳瀅最近被指推掉劇集《妳不是她》拍攝，反而到法國巴黎出席時裝周，被指盡顯「一姐」風範，她受訪時否認「耍大牌」：「唔係，邊敢，其實半年前已經同公司請咗假，出席好姊好婚禮，但因為婚禮延期就有個空檔，所以就去巴黎玩同埋做嘢。」

陳瀅今日在大合照企中間，突顯地位提升，對於有指無綫有意力捧她做「視后」，她則表示不敢多想，不想有太大壓力，相信只是劇集《美麗戰場》出街而帶起話題。

最近確診的方力申已經康復，亦沒有後遺症，他說：「原本諗住低調，但係唔知畀邊個講咗出嚟，令到好多朋友擔心。」已經「中招」兩次的陳瀅笑言未知是否有腦霧，現在經常會冇記性。講到劇集出街會否再翻炒兩人的緋聞？她說：「唔會，我怕呢套劇都冇傳緋聞啦，淨係同導演傳不和啫，哈哈。」

方力申對於有傳《I SWIM》拍攝電影版有意邀請他，直言因喜歡游泳，無論做甚麼角色，由過氣泳手到教練也有興趣參與。