何泳芍遇渣男同前女友上床　開放式關係要坦白

無綫小花何泳芍（Honey）近期忙於主持無綫J2《呢鋪開乜》系列節目。日前她與林溥來（Patrick Sir）主持《呢鋪開乜：開卷》時，介紹有關兩性關係的書籍，Patrick Sir自爆：「我以前都壞過，蒲過酒吧，都有諗過想生女嘅，但又驚佢畀人呃！⋯咁多年嚟我拍過5、6次拖，冇試過約會要AA制。」「有膊頭」到搞到另一主持伍韻婷大讚好男人。

Honey則稱曾遇上渣男：「我初戀男友畀我發現佢同以前女朋友上床，仲話一直諗住我，佢又唔畀我同啲閨蜜太close，真係好差！」不過性格洋化的她坦言可接受開放式關係：「有啲人天生鍾意好多人，我覺得只要尊重同坦白，佢都可以遇上幸福。我覺得自己應該可以接受呢種關係，大家開心，而佢又可以令咁多人開心喎，但大前提係一定要坦白。」不過兩年前Honey遇上一位追求者，對方要求「開放式關係」，她經了解後最終未有與對方進一步發展，但依然衷心祝福他覓得幸福。