曾持股99.9%　鹿晗退出娛樂公司疑有新搞作

內地男星鹿晗近年未有爆紅作品出爐，反而佢同拍拖6年花旦女友關曉彤嘅感情更受觸目，正當大家都以為佢事業未有起色時，佢就被發現退出東陽弘垣文化傳媒有限公司，鹿晗唔再做公司法定代表人及大股東，退出前持股99.9%。翻查資料，該公司成立於2018年，註冊資本100萬元人民幣，經營範圍包含製作、發行：綜藝、電視劇、影視娛樂類網絡遊戲、手機遊戲產品的創作等。今次鹿晗忽然大動作走人，即被網友揣測佢係咪嚟緊有新搞作，仲有粉絲表示希望偶像可以學好友黃子韜咁投資打造娛樂王國，由藝人轉為老闆。