ViuTV狂推4劇明撼無綫台慶 MIRROR盡出獨欠1成員身影

2022年09月27日 13:03
東網電視
更多新聞短片
MIRROR因紅館演唱會事故停工至今,連帶公司ViuTV都一度停擺,原本早已安排播出嘅劇集更即時被抽起,但隨住MIRROR下月正式復工,ViuTV即時精英盡出,一口氣力推4部劇集,全部都有MIRROR加持,擺明對撼無綫4部台慶劇!
昨晚ViuTV公布4劇預告片,除安排好打頭陣於10月3日播出、由陳瑞輝(Frankie)及邱士縉(Stanley)主演的《野人老師》,以及接棒播出由姜濤、陳卓賢及呂爵安(Edan)主演的籃球劇《季前賽》外,更有由楊樂文(Lokman)、江𤒹生(AK)、王智德(Alton)及邱傲然(Tiger)演出、前名《死角》的《繩角》,以及盧瀚霆(Anson Lo)及柳應廷(Jer)主演的《百萬同居計劃》,短短20秒的預告片中,除預先公開4大劇集未曝光的畫面,更用各劇對白組成句子:「當我哋迷失方向嘅時候,一步一步嚟。仲以為你真係唔同咗,點知都係同以前一樣。就算係錯,呢條路都係我自己揀嘅。」片尾更以「萬鈞劇力 厚積薄發」作口號,似是MIRROR的復工宣言。不過數勻4劇,獨欠成員李駿傑(Jeremy)身影,令不少鏡粉為佢感可惜。