升呢陳太即開工︱陳煒爆賓客恐嚇老公要對佢好 唔係打鑊甘

2022年09月27日 18:52
東網電視
更多新聞短片
藝人陳煒、陳敏之、袁文傑及江嘉敏等今日(27日)現身觀塘,為劇集《黯夜守護者》宣傳,大批粉絲到場支持。活動上眾人以擲飛鏢投出誰是劇中可疑者,結果袁文傑成為眾矢之的,要接受測謊機逼供。
現場亦有粉絲向陳煒送上蛋糕、花束、手鈪和頸鏈,祝願她能成為最佳老婆及最佳女主角,而昨日榮升「陳太」的她,笑言仍未習慣新稱呼,問到稱她甚麼會較好,她甜絲絲說:「叫我咩都應,叫陳太會笑得開心啲。」她指雖然婚禮後只休一會便出席活動,但狀態還好:「喺酒店休息一晚,今朝同老公食早餐。(老公今日返工?)係呀,佢見我今日都出咗嚟做宣傳,佢一個人喺屋企冇嘢做咪返工,哈哈!要嘅,病人都等佢嘛。」
她表示婚禮很感動,因不是邀請太多賓客,反而能與好友有更多交流,還笑言很多朋友恐嚇陳醫生:「佢哋同陳醫生講『你試吓對佢唔好吖,打你㗎!』佢即刻答『知道知道』!」問對老公的愛的宣言是否收貨?她坦言當初聽唔明,後來老公向她解釋才明白,她說:「我之前講過感情50年不變,原來佢唔想我有傷心嘅時候。」她談起時更感動得眼濕濕,又解釋曾與老公欣賞歌曲《最後晚餐》MV時每次也被其故事感動流淚,好希望兩夫婦也能像故事主角一樣互相扶持,白頭到老。
另談到好友朱晨麗於婚禮中接過花球,陳煒笑言場中只有她與江美儀最有資格接,問到會否介紹好男仔給對方?她説:「聽講嚟緊有啲相睇活動,會介紹男仔佢識,佢叫我陪佢出席,不過未約實時間。(帶何廣沛畀佢?)何廣沛睇咗好多次啦。(叫老公介紹醫生朋友畀佢?)陳醫生啲朋友老啦,唔同年齡層,哈哈。」她表示或會11月才考慮度蜜月,因還要預留時間參加台慶。