錢慧儀宣布離婚即發功　疑似小三Ksenia B洩床上片段「贈興」

前港姐錢慧儀今日（27日）宣布與名人馬清揚離婚，結束27年婚姻。其實早在2018年，馬清揚曾爆出與一名烏克蘭模特兒Ksenia B撻着，仲出雙入對去到外地參加賽車，當時即傳出婚變，惟事隔4年先正式簽字離婚。雖然未知2人離婚與烏克蘭索模有否直接關係，但巧合地錢慧儀離婚消息一出，Ksenia B又同一時間更新社交網，上載咗一段瞓喺床上嘅自拍影片，見佢對住鏡頭放晒電，畫面仲布滿心心濾鏡圖案，明顯心情不錯。