司儀選拔大賽︱鄭裕玲驚喜:真係臥虎藏龍

2022年09月27日 22:05
東網電視
更多新聞短片
藝人鄭裕玲(嘟姐)、林盛斌(Bob)和陸浩明今晚(27日)在無綫電視城主持《傳承.狂歡55:全能司儀選拔大賽2022》,鄭丹瑞和森美等擔任嘉賓評判,參賽的藝人有新有舊,包括:蔡國威、鞏姿希、吳紫韻、梁菁琳、黃建東和王鎮泉等角逐,最後比賽勝出的兩位將會升呢成為今年台慶司儀一分子。
嘟姐覺得無綫真的臥虎藏龍,是次比賽是讓同事發揮所長的好機會,對於參賽的同事,由最新3、4年,到做了20多年都有,感覺新鮮甚有驚喜,望成為司儀界的新力軍,Bob說:「做台慶司儀係每個做主持的夢想,頭先睇比賽過程真係好難,唔係咁簡單,如果我做會點呢?之前初賽,由輪選到面試,佢哋過咗好多關,今晚嚟到決賽,入到最後五強真係好勁!」嘟姐表示辛苦Bob為節目初賽拍到凌晨,陸浩明就笑言:「我哋都有壓力,擔心選出兩個取代咗我同Bob。」Bob也笑言:「台慶我哋冇份喇!」問到嘟姐是否見到自己的接班人?她說:「所有都係接班人,應該薪火相傳嘅!(睇好邊個?)要睇埋第4集先,唔點名得,比賽要公平。」
Bob在昨日「55周年台慶亮燈儀式暨記者會」抽中金豬錢罌,他透露裏面有港幣888元,他大講有味笑話說:「返屋企冇扑豬,扑第二啲嘢,扑傻瓜。」他將金豬放在床頭,跟其他金元寶放在一起,希望有助吸引好運及好精神:「希望好似嘟姐吸引過千萬廣告返嚟,畀啲蟲草食吓。」嘟姐笑言要問問蟲草大王。
蔡國威和鞏姿希雙雙進身十強作決賽戰,蔡國威透露自己入行26年,揚言應該是全場最老、資歷最深一位參賽者,故感覺壓力,他說:「因為個個都將你睇高一線,覺得你應該做到,不過稍一不慎,可能會扣好多分,擔心可能會影響到合作開嘅客戶對你睇法,今次好似攞自己嚟搏一鋪,希望買大開大,買細開細啦。」Krystl就自認不怕死及無包袱,屬於資歷最淺一批,故冇壓力,認為其他人較她優秀好正常。蔡國威即問:「你應該冇睇過我做節目?」她反應快,秒回有看他主持六合彩攪珠。
蔡國威稱自己一直對做司儀感興趣,之前在舊公司主要做主持,來到TVB就轉做戲劇,自言貪心希望兩邊能兼顧,才參加賽事。他笑言參賽期間被新人欺負:「我覺得佢哋9個蝦我,我唔會恰人,畀新人恰。」
Krystl稱今晚見到森美感到有點怕醜,直言好欣賞森美,讚他風趣幽默及學識廣博,稱影大合照時,森美站在她身邊也感怕醜,蔡國威笑言:「搞到你心卜卜跳?」Krystl稱在化妝間化妝時,森美竟然留到她頸位有紅印,由於她心情緊張,不經意𢱑頸鏈,問到是否森美指她補妝?她即否認:「係化妝師幫我補。」
提到是次比賽勝出的2位將會擔任今年台慶司儀,蔡國威直言恨做台慶,認為機會千載難逢:「曾志偉好想畀每個藝人一個機會,畀觀眾認識大家才能和才藝,自己一定要爭取,希望打開司儀條路。」而Krystl亦認為參加比賽都想贏,會盡努力。