對話曝光︱網友狂轟醜樣多頭油　迪麗熱巴爆三字經

「新疆四美」之一嘅內地花旦迪麗熱巴，超高顏值係佢嘅最強武器，不過審美嘅嘢的確係見仁見智，前日（26日）佢直播食火鍋時就畀網友狂寸，先有人問佢「為甚麼不關掉送禮物功能？」搞到唔熟悉直播系統嘅佢Dead air，經同工作人員確認後，佢就假裝不滿撒嬌：「怎麼了？你是試過送給我禮物嗎？我不要禮物，啥也不用送，留着錢給自己買點東西吧。」即被讚高EQ。

之後佢又遇到有網友狂畀負評及留言「熱巴好醜」、「沒其他女主播漂亮」等，佢見到之後，竟然一啲都冇嬲，仲半開玩笑方式回應：「對啊，我很醜的，謝謝大家來看醜醜的我！」至於有人寸佢頭油多，佢就乾脆回答：「不好意思，早上我剛剛洗過的頭。」表現豪爽又自信。而呢段火鍋吃播影片就喺網上瘋傳，網友對於迪麗熱巴充滿趣味嘅反擊紛紛叫好，仲話對佢好感大增想轉做Fans添！