林心如組團露營自認「豬隊友」 大爆霍建華已私約放風

20220928
東網電視
更多新聞短片
台灣女星林心如憑《華燈初上》人氣急升,近日佢再帶領同劇一班「小姐」,包括楊謹華、郭雪芙、江宜蓉、謝欣穎等,再拍攝新節目露營真人騷《光露營就很忙了》,昨日(27日)眾人現身記招,林心如大爆未出發囡囡已經唔捨得佢:「我今天出門她就哭了,以為我要去露營好幾天不回家」,相反老公早已準備好節目,完全冇半點不捨:「他應該很開心我出去,可能已經開始約朋友。」不過佢就自爆未試過露營,坦言最怕蛇蟲鼠蟻,又自認豬隊友:「我甚麼都不會,我會烤肉但不會生火。」並指同劇演員早已坦誠相見,故不介意素顏上陣:「看大家願意素就素。」
而林心如未出發先興奮,呢日喺社交網晒出喺台北鬧市玩滑板車嘅片段,不過因為安全起見,佢唔用電動功能,改為全程「腳」動,搞到令行經嘅路人都行得比佢踩車快,相當搞笑。