陳靜蔚雨芯上下劈腿夾攻　廖碧兒倒吊一字馬都唔夠砌

「魔鬼胸」蔚雨芯（Rainky）及陳靜（Dada）兩大女神近日齊齊到美國進修，同樣熱愛運動嘅佢哋，讀書都不忘Keep住日日操，經常孖住做Gym，連日來密密晒運動靚相，以小背心上陣大派福利。鬥索之餘，佢哋仲鬥「鬆」，講緊嘅係條筋夠鬆，見Dada施展平地橫向一字馬，一臉輕鬆自拍，功力十足，點知Rainky更技高一籌，違反地心吸力，彎腰踢腿大騷打直一字馬，簡直係神乎其技！

不過圈中嘅能人異士又點止佢哋兩個，藝人廖碧兒同樣「劈」功出眾，曾經玩過倒立凌空劈腿嘅佢，呢日巧合地又喺社交網大晒出海時於帆船上做瑜伽嘅靚相，見佢着住泳衣做出極高難度嘅倒吊一字馬，展示超級柔軟筋骨，但佢要利用帆船繩做出動作，睇嚟比就咁踢腿就成功擘髀嘅蔚雨芯略為輸蝕。