拍長腿寫真派福利 王君馨寂寞難耐趕返港慰夫

2022年09月29日 00:01
東網電視
更多新聞短片
藝人王君馨(Grace)日前找來好友徐偉棟為她影了一輯靚相,Grace穿了一條鮮紅色的雪紡裙,意態撩人,更騷出一雙長腿。現時正於橫店為電影《天龍八部之喬峰傳》拍攝中的她,與戲中演員合作愉快,她謂:「拍呢套電影好開心呀!係一個好好嘅經驗,仲有幾日就煞科嘞!戲中自己最重要嘅一場戲都未拍,希望到時自己可以表現好啲啦!」
Grace表示拍完《天》片後,會先到上海拍攝廣告,之後便會返紐約,她謂:「我已經4年冇見屋企人嘞!我會同老公一齊返去探屋企人,10月尾就會返香港,到時會搞自己嘅新歌,所以嚟緊都有好多嘢忙!」已離港9個月於內地打拚的她,雖然工作方面相當充實,但問到Grace有甚麼地方覺得特別不習慣時,她說:「我覺得最難適應係冇老公喺身邊,但呢段時間真係學習咗好多嘢,可能之前喺無綫太耐,呢度令我過得好充實。」
之前她參加內地跳舞真人騷《了不起舞社》表現出色,亦因為此,當時有單位透過她的內地經理人,邀請她唱一首帶有90年代感覺的歌曲《別把我對你的愛當作卑微》,此歌有點港風Disco風格,她更找來好友、木村拓哉同門師弟羽生田拳武(Amu)齊齊拍攝此歌的MV,二人於懷舊酒吧內跳舞。Grace表示:「呢首歌係國語加廣東話,有啲90年代Disco風格,6月嗰陣我趁電影未開拍之前,已經錄咗首歌,之後用咗3日時間速拍MV,因為我又要趕住去橫店拍電影,所以又趕又刺激。」